Vetëm 2 në çdo 5 shqiptarë (39,7%) e vlerësojnë si pozitive punën e deritanishme të Prokurorisë së Posaçme Antikorrupsion, e njohur si SPAK. 1 në 4 shqiptarë (24,8%) e sheh punën e saj si negative.
Besim te SPAK duket se kanë vetëm mbështetësit e qeverisë së kryeministrit Rama. Thuajse 70% e atyre që e vlerësojnë pozitivisht SPAK-un, kanë votuar PS-në në 2021-shin.
Pavarësisht kësaj, janë më të paktë socialistët që e vlerësojnë si pozitive punën e SPAK, krahasuar me një vit më parë.
Gjetjet janë të anketës së Barometrit në Euroneës Albania, kryer nga MBR dhe Data Centrum në nivel kombëtar me 1000 intervista ballë për ballë në familje, në datat 23 Maj – 4 Qershor.
