Kryeministri i vendit Edi Rama është në një takim me kryebashkiakët e të gjitha qyteteve, në kuadër të decentralizimit dhe performancës financiare të qeverisë vendore. Gjatë takimit kryqeveritari iu ka kërkuar bashkive që të zhvillojnë vizionin e tyre, se si të kenë më shumë të ardhura, dhe të ndërmarrin aktivitete fitimprurëse.
"Nuk keni asnjë aktivitet ekonomik të pavarura që prodhon të ardhura, duke filluar nga ndërtimi. Bashkitë i kanë mundësitë që të krijojnë sa më shumë shanse për njerëzit që kanë nevojë për strehim, dhe vetë të nxjerrin fitime. Kemi pasur një debat të gjatë dhe të thellë me drejtuesit e Bashkisë së Tiranës për këtë, nuk ka pse oportunitete që janë aty, të mos u shfrytëzojë bashkia. Nuk ka arsye që tia delegojë të gjitha ndërtuesve privatë, pse të mos marrin bashkitë dhe të zhvillojnë ndërtimin. Me një gurë vrasin dy zogj, krijojnë mundësi për të pastrehët e tyre, dhe nga ana tjetër shesin për të mbledhur të ardhura, pse të mos bëhet kjo gjë. Sa janë tregjet e prodhimit bujqësor, sa janë pikat e grumbillimit të prodhimit dhe të shpërndarjes, me pjesëmarrje apo me pronësi bashkiake.", tha Rama.
