Kreu i Partisë Demokratike Sali Berisha akuzoi qeveritarët po falsifikojnë, djegin dhe shkatërrojnë dokumentet e pronave të shqiptarëve. Në një tryezë të organizuar Berisha komentoi deklaratën e kreut të Kadastrës Artan Lame i cili tha se ka probleme në zonat në zhvillim e sipër.
"Para 3 ditësh doli shefi i kadastrës Artan Lame në televizion. Renditi me dhjetëra probleme me të cilat tregonte se kadastra nuk ekziston më, se tapitë fabrikohen te Rruga e Kavajës.
Në Kadastrën e Tiranës në 2013 çdo gjë në mënyrë absolute është lënë e digjitalizuar dhe ai me atë dëshmi që ka bërë, ka faktuar se është një kriminel i përmasave të paimagjinueshme” – akuzoi Berisha që tha se qeveria ka një projekt për grabitjen e pronave.
“Zbuloi një projekt të këtyre hajdutëve në pushtet për tu vërsulur mbi pronat e qytetarëve shqiptarë.
E certifikuar nga BB si një nga veprimtaritë më të suksesshme dhe është bërë në fakt nga një grup IT shqiptar.
Fatmirësisht miqtë e mi ai kishte në epiqendër kadastrën e Tiranës, ai projekt. Nuk është e gjithë Shqipëria, këto, është gjithçka digjitale.
Artan Lame tregoi projektin që kanë për të përvetësuar pronat e shqiptarëve. Probleme të mëdha tha ka në zonat në zhvillim e sipër.
Asnjë problem nuk ka kadastra ju garantoj me përgjegjësi të plotë, përveç problemit që qeveritarët duan të vjedhin.
Filluan me djegien e dokumenteve në Sarandë, prisni kur të vazhdojë në të gjithë bregun" - akuzoi Berisha. ©LAPSI.al
