Dy ministrat e Brendshëm, ai i Kosovës Xhelal Sveçla dhe ai i Shqipërisë Bledi Çuçi kanë nënshkruar marrëveshje për shkëmbimin e të dhënave në kohë reale për gjendjen civile. Lidhur me këtë, ministrat e Brendshëm theksuan se kjo marrëveshjeve do të lehtësojë martesat që bëhen mes shtetasve të dy vendeve.
"Kjo do të bëhet për të shmangur manipulimet që bëhen për t’i shpëtuar drejtësisë me ndërrimin e mbiemrave", tha ministri i Brendshëm Bledi Çuçi.
Nuk mungoi batuta e kryeministrit shqiptar, Edi Rama, i cili pasi folën dy ministrat, tha se “Lajm i mirë që edhe martesat do të bëhen me bekimin e ministrave të Brendshëm”.
