Një tjetër arsenal armësh është zbuluar ditën e sotme në Tiranë.
Bëhet me dije se arsenali i armëve është gjetur në garazhin e një pallati 5-katësh te Liqeni i Thatë. Burim për media bëjnë me dije se policia ka sekuestruar pistoleta dhe armë sniperi.
Pritet njoftimi zyrtar i policisë në lidhje me arsenalin e armëve, teksa mësohet se armët janë çuar në laboratorin e ekspertizës për të parë nëse janë të përfshira në ngjarje kriminale. Deri më tani dyshohet se është një person i shoqëruar për arsenalin e armëve në Liqenin e Thatë.
Kujtojmë që vetëm pak ditë më parë policia zbuloi një tjetër arsenal armësh në në rrugën “Shaqir Shima”, në Kodër Mëzez.
