Kjo mund të ketë qenë dita vendimtare për rikthimin e Paul Pogba te Juventus. Në mëngjes në fakt është zhvilluar një takim i ri në Milano mes menaxherit të francezit, avokates Rafaela Pimenta dhe drejtuesve të Juventusit për të depozituar detajet përfundimtare të marrëveshjes. Prezenca ballë për ballë përfundoi rreth mesditës. U arrit një marrëveshje përfundimtare për kohëzgjatjen e kontratës, e cila mund të jetë katërvjeçare ose trevjeçare me opsion për vitin e katërt.
Në tavolinë ishin edhe emrat e De Ligt, Kean dhe Luca Pellegrinit, të asistuar nga e njëjta kompani e themeluar nga Mino Raiola, por në qendër të diskutimit ishte cështja Pogba. Njoftimi zyrtar për mbërritjen e Pogba duhet të vijë në fillim të korrikut, kur francezi pritet në Torino për të kryer ekzaminimet mjekësore dhe për të nënshkruar kontratën.
Kështu, numërimi mbrapsht për kthimin e Pogba në Torino ka filluar gjashtë vjet pas lamtumirës së tij. Nga sot çdo ditë mund të jetë e duhura për shpalljen e “Pogback”: francezi rikthehet në vendin ku u bë lojtar i madh dhe rinis nga tetë titujt që fitoi me Juventus për t'u rikthyer protagonist dhe për t'u bërë edhe më i madh, ndoshta me numrin 10 mbi supet e tij.
