Viktima 24 vjeç i një përleshje me thika që ndodhi në Harburg të Gjermanisë, ishte i riu nga Dibra, Blerim Kola.
Gazeta gjermane Bild raportoi se Kola mbeti i pajetë prej goditjeve të njëpasnjëshme me thikë që ai mori nga një shtetas 36-vjeçar i Maqedonisë së Veriut.
Të dy njiheshin prej kohës, ndërsa ishin takuar për të sqaruar një konflikt që kishin me njëri-tjetrin, por ky sqarim degradoi në sherr ku maqedonasi i nguli thikën të riut shqiptar.
Ditën e sotme mikut i tij tha për News 24 se dyshohet se vrasja e tij ka ardhur si pasojë e një sherri ose për shkak të një lidhje që kishte me një vajzë shqiptare të cilën e kishte qejf pronari ku punonte.
"Ka dy dyshime pse ka ndodhur vrasjet ose për para, apo për një lidhje me një vajzë nga Shqipëria, e cila dyshohet se ka qenë në një lidhje me shefin e tij. Ata kanë patur dhe një sherr më parë, janë dënuar ti qëndrojnë 500 metra larg Blerimit", tha miku i tij.
