Pavarësisht nga pasojat e fotove skandaloze të tij, që e tregonin në shtrat me dy gra, ish-sulmuesi i Liverpool dhe West Ham, Andy Carroll në fillim të qershorit fluturoi njësoj për muajin e mjaltit me partneren e tij Billi Mucklow. Pas dasmës, çifti fluturoi për në Meksikë për muajin e mjaltit, që fotot inkriminuese nuk e prishën dot, por ndërprerja ka ardhur gjithsesi për një arsye të pamenduar. Një thirrje e klubit belg të Bruges, që kishte vendosur të nënshkruante një kontratë me qendërsulmuesin, i cili do të lirohet nga West Bromwich pas pak ditësh. Sidoqoftë, gjërat nuk shkuan ashtu siç e priste Carroll...
Martesë, muaj mjalti dhe kontratë e re me një klub që do të luajë në Champions League e ardhshme. Andy Carroll, 33-vjeçari që ka luajtur më parë me Newcastle, Liverpool dhe West Ham, me kontratën që i skadon tani me West Bromwich, me të vërtetë nuk mund të kishte kërkuar për më mirë. Vetëm se ishte një mëkat që pasi braktisi me shpejtësi muajin e mjaltit për të fluturuar në Belgjikë dhe për të nënshkruar me Bruges, belgët vendosën ta refuzojnë pas disa ekzaminimeve mjekësore.
Sipas raportimeve nga portali belg NHL, Bruges vendosi të mos nënshkruajë me ish-lojtarin e kombëtares së Anglisë pasi u befasua negativisht nga rezultatet e testeve fizike dhe mendore të cilave iu nënshtrua anglezi në Belgjikë. Si rezultat, klubi fitues i Jupiter Ligës së fundit mori vendimin që të mos i ofronte kontratë. Carroll gjatë gjithë karrierës së tij ka luftuar me lëndime të ndryshme serioze që kanë pasur një ndikim të rëndësishëm në nivelet e tij të fitnesit. Dhe, me sa duket, vazhdojnë ta ndjekin.
