Prokurori i Përgjithshëm, Olsian Çela ka dhënë dakordësinë e tij për hartën e re gjyqësore të krijuar nga Këshilli i Lartë Gjyqësor. Në letrën drejtuar Ministrisë së Drejtësisë, Çela thotë se vlerëson bashkërendimin dhe koordinimin ndërinstitucional për të lehtësuar ngarkesën dhe për të mbështetur veprimtarinë e prokurorëve me numër të kufizuar.
Ndërkohë në shumë qytete avokatët kanë bojkotuar në kundështim të hartës duke thënë se vendimi është arbitrar, cenon interesat e komunitetit, duke rritur kështu dhe kostot te qytetarët dhe dëmtuar aksesin në drejtësi.
Pas muajsh konsultimesh me grupet e interesit, propozimi i Këshillit Lartë Gjyqësor për hartën e re gjyqësore përfshin: 13 gjykata të shkallës së parë, 2 gjykatë administrative dhe 1 gjykata apeli për të gjithë vendin.
