Pas marrëveshjes së arritur nga palët, katër lojtarë të Milan, Theo Hernandez, Krunic, Maignan dhe Tonali, u sanksionuan për shkeljen e nenit 4, paragrafi 1, të kodit të Drejtësisë Sportive për sjelljen e tyre me rastin e festimeve për fitoren e kampionatit të Serisë A. Kruniç u dënua me 5000 euro gjobë, ndërsa Theo Hernandez, Maignan dhe Tonali me 4000 euro gjobë. AC Milan u sanksionua gjithashtu për përgjegjësi objektive me një gjobë prej 12,000 €.
Theo Hernandez u ndëshkua pasi "në bordin e një autobusi të hapur, ka intonuar vazhdimisht drejt tifozëve brohoritës, gjithashtu me ndihmën e një mikrofoni për të përforcuar zërin e tij, një kor fyes, vulgar dhe të pahijshëm kunddrejt klubit F.C. Internazionale dhe tifozëve të tij" dhe për shfaqjen e një pankarte me përmbajtje pangatërrueshmërisht aluduese dhe për rrjedhojë mosrespektuese dhe ofenduese ndaj klubit zikaltër.
Krunic dhe Maignan u sanksionuan gjithashtu për arsye të ngjashme, ndërsa Tonali u fajësua se ai "kishte veshur një fanellë me një frazë jashtëzakonisht fyese, vulgare dhe të pahijshme" gjithmonë kundër Interit.
https://www.youtube.com/watch?v=mwxd5PUc3uw
