Atij iu desh të përshkonte një rrugë të gjatë, por Christian Eriksen është më në fund gati për t'u rikthyer në futbollin që ka rëndësi: sipas The Athletic UK, organizatori danez ka pranuar ofertën e Manchester United. Kontrata e re do ta lidhë Eriksenin me Djajtë e Kuq deri në vitin 2025. Heroi i Euro 2020 do të kalojë portat e Old Trafford në ditët në vijim, sipas raportimeve që vijnë nga Anglia. Klubi ka nisur regjistrimin e kontratës dhe së shpejti do të thërrasë lojtarin me defibrilator në zemër për të kryer testet fizike.
Kjo e fundit nuk është aspak një procedurë rutinë, duke pasur parasysh komplikacionet që përjetoi danezi pas arrestit kardiak në Euro 2020. Eriksen vazhdon të luajë me një defibrilator nënlëkuror dhe prania e këtij instrumenti e kishte bërë danezin të pakualifikuar për të luajtur në Serie A.
I lënë i lirë për t'u larguar nga Interi për shkak të politikës së kampionatit, Eriksen rifilloi të shkelë barin e gjelbër të fushës së lojës në radhët e Brentford: me fanellën e Bees mesfushori danez u rikthye të luante pas shtatë muajsh pasiviteti, duke shënuar gjithashtu edhe një gol historik në rezultatin 4- 1 kundër Chelsea. Tani aventura e re në Mançester duket gjithnjë e më e afërt, me teknikun e ri Ten Hag, i cili do t'i besojë menjëherë lojën e skuadrës së tij.
