Juventus bën lëvizjen e parë konkrete për Kalidou Koulibaly. Mbrojtësi i Napolit, i cili shkon në skadencë kontrate me të kaltrit në vitin 2023, është i zgjedhuri i Massimiliano Allegrit për të zëvendësuar Matthijs de Ligt në dalje (marrëveshje totale me Bayernin). Për ta sjellë qendërmbrojtësin në Torino është duke u zhvilluar një takim në qendër të Milanos mes drejtorit sportiv të klubit bardhezi, Federico Cherubini dhe Fali Ramadanit, menaxherit shqiptar të mbrojtësit senegalez, i cili gjithashtu kujdeset për interesat e Milenkoviçit, objektivi i mundshëm numër një i Napolit në rast të lamtumirës së Koulibaly.
Pas goditjeve Di Maria dhe Pogba, të cilat do të mbërrijnë në ditët në vijim, bardhezinjtë po mendojnë për mbrojtjen dhe po fokusohen fuqishëm te kapiteni 31-vjeçar i Napolit, i cili është i preferuari i drejtuesve dhe i Massimiliano Allegri për cilësinë e madhe, përvojën e nivelit të lartë dhe gjithashtu për karakteristikat teknike (ai është mësuar të luajë në të majtë të qendrës).
