Stuhia e erës dhe shiu ka përfshirë tashmë të gjithë territorin, duke boshatisur plazhet dhe duke shkaktuar probleme në qarkullimin e mjeteve. Nga reshjet, më problematike janë zona jugore dhe juglindja e vendit, ku ka patur stuhi breshëri dhe erëra të forta. Në disa vende, era ka “fluturuar” çadrat e shezlongët, duke i hedhur në det.
Të shtunën moti do të jetë pothuajse njësoj me erë të fortë, dallgëzim të lartë në brigjet detare. Ndërkohë dita e diel përmirëson dukshëm motin, do të ketë më shumë diell, vranësira të pakta, reshje të izoluara në veri të vendit.
