30-vjeçari Klaudjo Çobaj, i cili plagosi disa ditë më parë me thikë nënën e tij Drita Çobaj, ka mbërritur në Gjykatën e Fierit, i është dhënë sot masa 'arrest me burg'. Masa e sigurisë është zhvilluar pa avokat pasi këta të fundit kanë disa ditë që janë në grevë pa afat, duke bojkotuar jo vetëm seancat gjyqësore por edhe masat e sigurisë. Drita Çobaj mori disa plagë me thikë në pjesë të ndryshme të trupit, dhe u dërgua me urgjencë drejt spitalit. Sipas dëshmive të fqinjve, gruaja ishte hedhur nga kati i dytë i pallatit për ti shpëtuar djalit të saj, i cili dyshohet se ka qenë i dehur në momentin e krimit të rëndë.
Klaudjo kishte humbur të atin disa vite më parë, dhe ka qenë nëna e tij ajo që ishte kujdesur për rritjen e fëmijëve. I riu kishte punuar disa muaj në Gjermani, dhe ishte kthyer vetëm disa ditë përpara se të plagoste nënën e tij.
