Kalidou Koulibaly është shumë pranë Chelsea: në ditën kur pritej nga tifozët e Napolit në grumbullimin e Dimaros, mbrojtësi senegalez duket se do të marrë rrugën për në Londër, me destinacion Stamford Bridge. Në orët e para të pasdites, Kalidou u informua në fakt nga menaxheri i tij për ofertën e re të londinezëve, të cilët e kanë ngritur ofertën në 40 milionë (një ofertë që plotëson kërkesat e De Laurentiis) duke dhënë pëlqimin e tij të përgjithshëm për transferimin. Një tjetër jo, ndërkohë, për propozimin e Juves. Për momentin, megjithatë, nga klubi napoletan rezulton se një ofertë zyrtare nga londinezët nuk ka mbërritur ende dhe se lojtari aktualisht pritet të grumbullohet maksimumi të mërkurën.
Pronësia e re amerikane e Chelsea sidoqoftë do të ishte gati nga njëra anë të plotësonte kërkesat e klubit kampan duke ofruar 40 milionë eurot e kërkuara nga AdL dhe nga ana tjetër të bindë edhe lojtarin me një pagë 9 milionë plus bonuse në sezon për katër vjet, tre më shumë se sa kishte propozuar Napoli. Një tentativë e minutës së fundit nga Juventus do të ishte gjithashtu e padobishme: senegalezi për të disatën herë e përjashtoi mundësinë e transferimit në Torino, një gjest respekti ekstrem për ata tifozë që ai kishte përqafuar për herë të parë në 2014-ën. Pas 317 ndeshjesh dhe 14 golash, aventura e Koulibaly në Napoli, duke përjashtuar kthesat e befasishme, është gati të përfundojë. Londra dhe Stamford Bridge janë gati ta mirëpresin.
