Partnerja e Pauline Peyraud-Magnin, portiere e kombëtares franceze të femrave, është gjetur e vdekur në fillim të korrikut. Këtë e raportojnë mediat franceze. Lojtarja që aktualisht luan te Juventusi, është e impenjuar në Kampionatin Evropian që po mbahet në Angli. Trupi i Camille Nell u gjet i pajetë më 4 korrik në shtëpinë e saj në Torino, ku bashkëjetonin dy gratë. Për momentin nuk dihen shkaqet e vdekjes dhe për ktë motiv ka nisur një hetim. Federata Franceze e Futbollit nuk pranoi të komentojë mbi këtë histori, ndërsa Peyraud-Magnin doli në fushë me kombëtaren në dy ndeshjet e para të Kampionatit Evropian.
Më parë, gruaja 27-vjeçare e kishte ndjekur Peyraud-Magnin gjatë përvojës së saj në Spanjë me Atletico Madrid. Hetuesit, të intervistuar nga AFP, shpjeguan se "hetimi është duke u zhvilluar dhe mbetet i mbuluar nga sekreti". Federata Franceze e Futbollit ka kërkuar që të respektohet privatësia e lojtares, ndërsa agjencia që menaxhon interesat e saj ka saktësuar se nuk dëshiron të “komentojë jetën private të Pauline”.
