Në Casa Milan presioni rreth Elliott po rritet pas shitjes së klubit te RedBird. Sipas raportimeve të "Il Sole 24 Ore", përveç mosmarrëveshjes ligjore të nisur nga aksionerët aktualë të pakicës së Blue Sky, ish-pronari i shoqërisë kuqezi Li Yonghong në fakt është bërë sërisht i gjallë duke u përplasur me fondin amerikan. I asistuar nga avokatët italianë të firmës Cleary Gottlieb, biznesmeni kinez bëri një lëvizje të papritur, duke siguruar sekuestrimin e 364 milionë eurove nga Gjykata e Luksemburgut.
Në detaje, përmes padisë që përfshin gjithashtu Rossoneri Sport Investment dhe Project Redblack, Yongong Li dëshiron të rikuperojë një pjesë të parave të humbura në marrëveshje. Kërkesat e tij për kompensim bazohen në një vlerësim të klubit kuqezi në 2018 prej mbi 600 milionë, të cilave do të duhej t'i zbriteshin 300 milionët e financuara nga Elliott. Sekuestrimi për Elliot në Luksemburg lidhet me një kredi të Projektit Redblack, një masë e përkohshme përpara se Elliott të mund të apelojë.
