Në ditën kur në Napoli është kontestuar në rrugë De Laurentiis, vijnë mesazhe të forta nga merkato, ku po punon në dy fronte për t'i dhënë Spallettit përforcimet e vlefshme për sezonin e ardhshëm. I pari ka të bëjë me negociatat për Kim Min Jae, për të cilin gjithcka është e mbyllur dhe po punohet për detajet. I dyta, nga ana tjetër, i referohet situatës së Giovanni Simeones, në qendër të zërave të shumta dhe objektivi numër një për sulmin e të kaltërve.
Kim Min Jae, i konsideruar si trashëgimtari i Koulibaly, gjigandi i Koresë së Jugut, është tani një hap larg Napolit dhe negociatat janë pranë përfundimit. Sipas asaj që mësohet, lojtari mund të mbërrijë në Itali të shtunën për të kryer kontrollet mjekësore dhe për të vënë firmën në kontratë. Për të kompletuar operacionin dhe për të arritur në tymin e bardhë përfundimtar, në fakt, duhej të përcaktohen vetëm disa aspekte burokratike me Fenerbahçen.
Sa i përket Giovanni Simeones, situata është më pak e përcaktuar, por në Castel Volturno negociatat janë duke ecur mirë për ish-lojtarin e Caljarit. Me Petagnan në dalje, sulmuesi i Hellas është objektivi kryesor i sulmit të Spallettit. Një zgjidhje shumë e çmuar si për të marrë trashëgiminë e Osimhen në qendër të repartit, ashtu edhe për ta mbështetur atë përfundimisht në një modul me dy sulmues. Flitet për një marrëveshje me vlerë rreth 16 milionë euro, por duhet ende pak durim për ta mbyllur me sukses. Jo shumë, ndoshta, siç dëshmohet nga mungesa e grumbullimit të djaloshit për miqësoren kundër Hoffenheim. Në fakt, Verona tani e konsideron lojtarin të larguar dhe mund të jetë koha për të arritur një marrëveshje.
