Përplasja në PD vazhdon.
Ndërsa Sali Berisha deklaroi se Partia Demokratike nuk do të marrë pjesë në ceremoninë e betimit të Presidentit Bajram Begaj, Enkelejd Alibeaj sapo u fut brenda selisë së Kuvendit.
Përplasja mes dy grupeve në PD është e qartë edhe në raport me qeverinë që prej fillimit. Ndërsa PD-ja e Berishës bojkotoi shoë-in e takimeve të Ramës për zgjedhjen e Presidentit, Alibeaj mori pjesë.
Edhe pse ai nuk u pyet në fund për emrin, sot Alibeaj bëri çka kishte thënë, se grupi i tij brenda PD-së do të merrte pjesë në betimin e Begajt, njeriut që Edi Rama zgjodhi për President.
Nga ana tjetër, Berisha e cilësoi ditën e sotme si ditën kur në shqipëri rivendoset monizmi i plotë. ©LAPSI.AL
Lexo më tej: Berisha bojkoton seancën për betimin e Presidenti Begaj: Sot rivendoset monizmi i plotë
