Gjykata vendosi masën e sigurisë “arrest me burg” për ish-efektivin e RENEA-s Remal Radën dhe mikun e tij Elton Hithi, te arrestuar pasi u kapen me snajper në mjetin e tyre luksoz. Më pas gjatë kontrollit të banesave atyre iu gjetën dhe armë në banesa. Sipas prokurorisë dyshohet se ish-efektivi i RENEA-s është pjesë e një grupi kriminal vrasësish me pagesë.
“Organi i akuzës ka kërkuar mostra për të bërë analiza ADN, por kjo nuk është pranuar nga të pandehurit.
Ndaj tyre rendojne akuzat e armëmbajtjes pa leje dhe mbajtje pa të drejtë të uniformave të policisë. Rada ka shërbyer për një kohë të gjatë në radhët e Policisë së Shtetit dhe ishte larguar nga detyra rreth 3 muaj më parë.
