Fillimi i muajit gusht ka nisur me fluks të madh automjetesh dhe trafik mjaft të rënduar që nga orët e para të mëngjesit të sotëm. Prej nga zona e Thumanës, në drejtim të Fushe Krujës, qarkullimi i automjeteve ka rezultuar problematik. Automjetet janë perballur me trafik të renduar, madje në orët e mesditës vargu i automjeteve ka nisur dhe në një pjesë të autostradës. Janë rreth 7 km rrugë me një korsi nga Thumana deri ne Fushë Krujë, aty ku dhe ndahen degëzimet, e cila është bërë makth për drejtuesit e automjeteve në çdo sezon veror.
Kjo ndikon me fluksin e madh të pushuesve që preferojnë bregdetin si dhe emigrantëve që kthehen gjatë sezonit veror në vendlindje.
