Kreu i policisë së shtetit Gledis Nano njoftoi shkarkimin nga detyra të të gjithë zinxhirit komandues për shkak të ngjarjes në Himarë ku një efektiv i mori jetën një vajze 7 vjeç me skafin e tij.
Por qytetarët e kanë konsideruar këtë një akt për të shfryrë zemërimin qytetar për ngjarjen e rëndë. Në njoftimin e bërë në faqen e policisë së shtetit në Facebook kanë qenë me qindra komente të gjitha me indinjatë për atë që ka ndodhur.
Ata kërkojnë largimin e ministrit të brendshëm Bledi Çuçi, ministres së Turizmit Mirela Kumbaro dhe drejtorit të policisë Gledis Nano.
Në fillim administratorët e faqes së policisë nisën të fshinin komentet, por më pas u dorëzuan.
