Janë të dhimbshme deklaratat që kanë dhënë në dosjen e prokurorisë personat që panë vrasjen e vogëlushes Jonada Avdia mesditën e së martës në plazhin e Potamit në Himarë. Në dosjen që lapsi.al e ka siguruar është edhe dëshmia e Emiliano Zeqirllarrit, i afërm i familjes Avdia që ka rrëfyer ngjarjen.
“Rreth mesditës, Bledar Avdia bashkë me vajzën Jonida po laheshin e breg te detit dhe në një moment pashë ardhjen e një mjeti lundrues të madh me disa persona në bord.
Në kohën që mjeti lundrues ka marrë njerëz në breg dhe është futur përsëri në det goditi vajzën me helikat e motorëve.
Bledari dhe njerëzit që ishin në breg të detit kanë filluar bërtasin: “Ndalo se e vrave”. Mjeti lundrues ka vijuar të ecë pa dhënë asnjë ndihmë. Në këtë moment hyra në det dhe e kam nxjerrë të miturën pa shenjë jete” – thotë ai. ©LAPSI.al
