Një valë e motit të keq goditi rajonin e Campania në Itali. Në Monteforte Irpino, një qytet në periferi të Avellino, një lumë balte ka pushtuar rrugët, duke tërhequr zvarrë për qindra metra makina të shumta të parkuara.
Autoritetet u kërkuan qytetarëve që të mos dalin nga shtëpitë e tyre. 5 persona u evakuuan. Uji dhe balta shkaktuan dëme serioze në qendrën historike pas reshjeve të dendura të shiut.
Zona e qendrës historike e goditur rëndë, është zhytur plotësisht nga një lumë uji dhe balte, por përmbytjet kanë prekur një pjesë të madhe të zonës urbane.
Shumë shoferë kanë mbetur të bllokuar në makinat e shpëtuara nga forcat zjarrfikëse. Nuk ka persona të lënduar përveç dëmeve të shumta materiale. ©LAPSI.al
