Dy 26-vjeçarë nga Shqipëria janë vënë në pranga nga policia britanike teksa kujdeseshin për bimë narkotike me vlerë 52,000 paund, në një banesë në Blackpool. Mediat britanike shkruajnë së Françesk Markaj dhe Arbri Dervishi, të dy nga 26 vjeç, u gjetën në një banesë të braktisur dhe policia i arrestoi ata për kultivim droge. Të rinjtë kanë thënë se janë detyruar të punonin në fermën e kanabisit, pasi trafikantët që i ndihmuan të hynin në vend në mënyrë ilegale, i kërcënuan se do t’i vrisnin nëse nuk punonin në fermën e kanabisit.
Trafikantët i ndihmuan 26-vjeçarët të futeshin kontrabandë në vend me kamion, dhe më pas i detyruan të punonin në fermën e kanabisit për të paguar borxhin që kishin ndaj tyre për transportin nga Belgjika në Angli.
