Zbardhen detajet e ngjarjes së rëndë në Sarandë ku mbeti i vdekur një 41-vjeçar. Mësohet se Klodian Bakiaj është qëlluar me thikë nga 24-vjeçari Xhanelo Tarja.
Sherri ka ndodhur pasi Bakiaj ka parkuar makinën para lokalit ku punonte si kamarier Tarja, i cili më pas e ka qëlluar me thikë. Policia njofton se 24-vjeçari nga Laçi është shpallur në kërkim, ndërsa janë marrë në pyetje dhjetëra persona që kanë qenë në vendin e ngjarjes.
“Shtetasi Xh. T, dyshohet se gjatë një konflikti të çastit, në lagjen nr.1, Sarandë, ka goditur me mjete prerëse shtetasin K. B., 41 vjeç, banues në Tepelenë, i cili si pasojë e dëmtimeve të marrë, ka ndërruar jetë në spitalin e Sarandës. Shërbimet e Komisariatit të Policisë Sarandë vijojnë punën intensive për kapjen e autorit të dyshuar’, thtuhet në komunikatën e policisë.
