Massimiliano Allegri është fotografuar në Lugano dhe ka përfunduar në kopertinën e të përjavshmes Chi, i kapur dorë për dore me 'flakën' e tij të re. E dashura e re e trajnerit të Juventus është Nina Lange Barresi, konsulente financiare me banim në Zvicër: është hera e parë që ata pikasen së bashku por që më parë qarkullonin thashetheme për dashurinë e tyre. Një vit më parë trajneri i Juventusit ishte i lidhur me aktoren Ambra Angiolinin: lidhja përfundoi në tetor, me sa duket për shkak të një tradhtie nga ana e tij.
Massimiliano Allegri është përpjekur në çdo mënyrë të humbasë gjurmët dhe ta mbajë jashtë vëmendjes lidhjen e tij të dashurisë me Ninën, por në fund të dy nuk kanë mundur t'u shpëtojnë fotografëve gjatë shëtitjes së tyre në çift. Trajneri i Juventusit është treguar gjithmonë shumë diskret për sa i përket jetës së tij jashtë profesionale dhe as partneres së tij nuk i pëlqen të ekspozohet shumë. Ajo ka një profil privat në rrjetet sociale dhe dihet vetëm se zotëron një kompani konsulence menaxheriale.
