Detaje të reja janë zbardhur nga sulmi i tre rusëve në uzinën e armëve në Gramsh. Sipas informacioneve, në sulmin ndaj ushtarëve në Gramsh ishin 3 rusë, 2 meshkuj dhe një femër. Tre personat bënin xhiro prej disa ditësh pranë uzinës dhe mbrëmjen e sotme kanë tentuar të hyjnë në perimetrin e uzinës por janë pikasur nga rojet dhe më pas rusët i kanë hedhur sprajt në fytyrë.
Si pasojë e sprajit kanë mbetur të plagosur dy ushtarë shqiptarë, të cilët ndodhen aktualisht në spitalin e Traumës jashtë rrezikut për jetën. Ata janë gjetur në tokë nga kolegët, pa ndjenja.
Rusët janë arrestuar dhe po hetohen nga agjentë të anti-terrorit. Heqja e vizave gjatë muajve të verës për shtetasit rus, ia lehtëson futjen në vendin tonë agjentëve të shërbimit sekret rus.
