Një tjetër humbje e rëndë e Karagumruk të Andrea Pirlos, e fundit në renditje pas dy javësh në kampionatin elitar turk. Beşiktashi fitoi e dominoi qartë me rezultatin 4-1 dhe për njëmbëdhjetëshen e trajnerit italian, ish-Juventus, është humbja e dytë radhazi që vjen gjithmonë me katër gola të pësuar. Kjo ndodhi në debutimin kundër Alanyaspor në shtëpi 4-2 dhe tani erdhi pokeri i Besiktas.
Në fund të ndeshjes ka ardhur edhe shpërthimi i ish-trajnerit të Juventusit në konferencën për shtyp: "Ne gjithmonë bëjmë të njëjtat gabime. Fillojmë keq dhe loja nis e përpjetë për ne. Po punojmë për këto çështje por fatkeqësisht nuk shoh asnjë lajm pozitiv. Ne nuk mund të pësojmë 4 gola në çdo ndeshje dhe nuk mund të vazhdojmë të humbasim. Koha po ikën. Duhet të vazhdojmë të punojmë por në mënyra të ndryshme. Nuk dua të kritikoj lojtarët individualisht pasi kemi bërë gabime si ekip. Humbasin të njëmbëdhjetë dhe i gjithë ekipi luajti keq. Si në mbrojtje, ashtu edhe në sulm, bëmë pak e keq".
Pirlo tha për turneun turk: “Çdo skuadër mund të fitojë ndaj çdo kundërshtari këtu dhe jam i kënaqur me cilësinë e kampionatit dhe me luftën që bëhet, duhet të punojmë më mirë për të qenë edhe ne protagonistë” përfundoi Pirlo, shumë i hidhëruar për një fillim shumë të komplikuar në kampionatin turk.
