Një i ri i burgosur ka mbërritur i pajetë në Spitalin Rajonal të Lezhës mbrëmjen e së hënës.
Mediat raportojnë se ai është një 28-vjeçar me inicial O.K. nga Tirana.
I riu është ndjerë keq në paraburgim dhe është transportuar me urgjencë në spital, por ka ndërruar jetë gjatë rrugës.
Trupi i të riut do të dërgohet në morg, ku do t’i nënshtrohet mjekësisë-ligjore, për përcaktimin e shkakut të vdekjes.
Paraprakisht dyshohet për vdekje natyrale (infarkt) sipas burimeve, por do të jenë ekspertët që do të thonë fjalën e fundit.
I riu ka qenë në burg pasi më herët kishte thyer arrestin e shtëpisë. ©LAPSI.al
