Kryetari i grupit parlamentar të Partisë Socialiste Taulant Balla, në një deklaratë për mediet, kakomentoi ngjarjen që ndodhi të shtunën në uzinën e armëve në Gramsh. Balla tha se tashmë priten hetimet për çështjen, dhe se opozita duhet të presë.
“Mendoj që dhe vlerësoj se reagimi i të gjithë zinxhirit të strukturave shtetërore, qoftë në radhë të parë, të ministrisë së Mbrojtjes dhe të strukturës së saj, FA-ve, të Policisë së Shtetit dhe të institucioneve të hetimit, ka qenë në nivelin më të mirë dhe të lartë. Ka pasur përpjekje që dyshohet për aktivitet spiunazhi, e cila është asgjësuar sapo ka nisur. Ndaj institucionet meritojnë vlerësim. Shqipëria mbetet vend anëtar i NATO-s, ka mbështetur dhe mbështet përpjekjet e botës demokratike, për mbështetje të rezistencës nga një pushtim i pajustifikuar nga ana e Rusisë dhe ndërkohë, do këshilloja këdo, edhe gjelat e politikës së opozitës, që të presim hetimin. Të presim verdiktin e institucioneve të sigurisë, që të zbardhet ngjarja. Ka një shprehje ose thënie popullorë që opinionin se japin dot gjelat e detit. Organet shtetërore meritojnë falënderim për asgjësimin në kohë të një përpjekje që dyshohet se mund të jetë aktivitet spiunazhi.”, tha Balla.
