Ishte viti 2013, kur gjatë një ndeshjeje të Chelsea në shtëpinë e Swansea, e vlefshme për gjysëmfinalen e kthimit të Kupës së Ligës angleze, një djalosh dinak nga ata që kapnin topat u përpoq të humbiste kohë me sfidën e ndalur në 0-0 dhe uellsianët që mbronin fuqishëm 0-2 me të cilin kishin fituar në ndeshjen e parë në Stamford Bridge. Sjellja e atij djaloshi e çmendi Hazardin, i cili e kapi me shkelma duke u përpjekur ta merrte topin dhe, për këtë, mori një karton të kuq. 'Djaloshi që kapte topat' quhet Charlie Morgan, tani ai është 26 vjeç dhe fiton miliona paund nga kompania e tij e vodkës.
https://youtu.be/sd38KUjmOho
Futbolli është plot me histori të pabesueshme. Histori që ndonjëherë nuk i shohin lojtarët si protagonistë, por ata që gjatë ndeshjeve janë vetëm aktorë mbështetës, siç janë djemtë që kapin topat. E historia e Charlie Morgan, "djaloshit që kapte topat", i goditur nga Hazard, është vërtet jashtë të zakonshmes. Charlie, tani 26 vjeç, është bërë një sipërmarrës në vitin 2016 duke krijuar kompaninë Au Vodka me shokun e tij të shkollës Jackson Quinn. Një kompani që është rritur në mënyrë eksponenciale me kalimin e viteve, aq sa në vitin 2022 emri i tij u përfshi në "listën e të pasurve në Angli" të Sunday Times: Au Vodka tani vlerësohet në 40 milionë paund.
Charlie, i cili është djali i drejtorit të Swansea dhe pronarit të Morgan's Hotel, Martin Morgan, ka arritur të bëjë emër gjatë viteve falë shumë njerëzve të famshëm që rrotullohen rreth kompanisë së tij të vodkës. Nga Ronaldinho te Floyd Mayëeather, shumë yje të sportit kanë reklamuar markën e krijuar nga i riu dhe shoku i tij i shkollës. Au Vodka tani prodhon 35,000 shishe në ditë dhe qarkullimi i saj po rritet vazhdimisht. E të mendosh që më pak se dhjetë vjet më parë ai 17-vjeçar u godit me shkelm nga Hazard për një humbje kohe…
