PSG ka hequr dorë përfundimisht nga negociatat për të transferuar në Parc des Princes Milan Skriniar, duke braktisur bisedimet të nervozuar nga mënyra si Inter po kërkonte të rriste cmimin. Sipas raporteve nga e përditshmja L'Equipe, parisienët ishin të gatshëm të paguanin 60 milionë euro në tavolinë plus një lojtar si shkëmbim teknik, por edhe këtë ofertë Interi e ka refuzuar.
L'Equipe shton detaje të reja mbi situatën e Inter-Psg për Skriniar dhe reagimi i francezëve nuk është fare i butë. Presidenti i parisienëve Nasser Al-Khelaifi është tërbuar nga perngesat e shitjes së sllovakut, duke lënë të kuptohet se zikaltrit do ta humbasin Skriniar sezonin e ardhshëm me parametër zero. 27-vjeçari do të shkojë në skadencë kontrate në qershor 2023, por Interi, pasi merkato të mbyllet, do të vazhdojë menjëherë me nisjen e negociatave për rinovimin e kontratës për të cilën tashmë ka një marrëveshje të përgjithshme prej disa kohësh.
