Çupëlinat e Edi Ramës janë aq të marrosura pas tij, sa i përdorin si papagall frazat që ai lëshon në publik. Njëra prej tyre është edhe ministrja për Fëmijët, Bora Muzhaqi, emrin e së cilës shqiptarët e dëgjuan për herë të parë ditën që u bë ministre, për meritën e vetme se portreti i saj i stërpëlqente shefit.
Ajo është përfshirë në një replikë me ish presidentin Meta, pasi ky i fundit e sulmoi nga kampi i rinisë në Jal.
Natyrisht si çdo kush që akuzohet edhe ajo ka të drejtën e replikës. Por e keqja është se e bën për gjëra që si kupton apo ndoshta nga mania për ti bërë qefin bamirësit. Në përgjigjen e saj në Facebook për Metën, Bora i kujton atij një shprehje të Ramës: "Ilir Metës ky vend i ka dhënë gjithçka": “Ilirit, Shqipëria s’ka lënë gjë pa i dhënë nga floriri i zhdukur e i harruar, e deri te karriget më të rëndësishme të shtetit, po ende nuk është ngopur, e kërkon t’i zhvasë edhe rininë”, shkruan Muzhaqi.
Por në këtë përsëritje prej papagalli të frazave të shefit, Bora e brishtë harron diçka. Edi Rama mund ti'a thotë një gjë të tillë Metës. Edhe dikush tjetër ka të drejtë të mendojë se ai i ka marrë Shqipërisë shumë më tepër seç i ka dhënë. Por ama, një vajzë, që bëhet ministre, pa asnjë meritë, vetëm me kriterin që Gadafi zgjidhte badigardet e veta, nuk mund të ankohet ndaj kërkujt se ka marrë nga ky vend më shumë sesa meritonte.
Por ndoshta Bora e gafave proverbiale në kuvend nuk ka pasur kohë të mendohet kaq gjatë. Ajo thjesht ka përsëritur një prej frazave të idhullit të saj.
©Lapsi.al
