Ilir Daja është një hap larg historisë me Ballkanin e tij, ose më saktë 90 minuta larg zonës së grupeve të Conference League, ku i mjafton vetëm të mbrojë 2-1 e arritur në transfertë ndaj Shkupit për të përmbushur një mision të jashtëzakonshëm. Në derbin shqiptar në Europë, ish-tekniku i Partizanit do të ketë me vete gjithë entuziazmin e stadiumit Fadil Vokrri, kur Ballkani të zbresë në fushë për të sfiduar Shkupin të enjten në orën 20, në playoff-in e turneut.
Asgjë nuk është e mbaruar në fakt, pavarësisht fitores në ndeshjen e parë, me bardheblutë që me një gol do të barazonin rezultatin, duke qenë se nuk vlen më rregulli i golit në fushën kundërshtare. E megjithatë, mënyra se si Ballkani përmbysi ndeshjen e parë kundër Shkupit i ka bërë optimistë kosovarët, se do të jenë ata skuadra që do të shkojë në grupet e Conference League. Golit të Adetunjit në minutën e 19, iu përgjigjën Rrahmani në të 23 e Korenica në të 67, duke e cuar Dajën një hap nga historia.
Për teknikun është një revansh pas aventurës së pasukesshme me Partizanin, duke marrë një outsider si Ballkani për të cuar në fazën e grupeve. Daja nuk ka ndërmend të bëjë ndryshime në krahasim me skuadrën që doli fituese në përballjen e parë, por shpreson që pas Skënderbeut, të provojë grupet e një kompeticioni europian me një tjetër skuadër shqiptare…
