Ministri i Brendshëm i Shqipërisë, Bledi Çuçi, çuditërisht me arrestimin e një hajduti turk kriptomonedhash ka marrë kurajon të reagojë në Tëitter duke thënë se për krimin e organizuar toleranca është zero, dhe se policia kriminale shqiptare e ka efikasitetin në rritje.
"Arrestimi i shtetasit turk të shumëkërkuar nga Interpoli një tjetër dëshmi e efikasitet gjithnjë e në rritje të policisë kriminale shqiptare. Përgëzime të gjithë oficerëve që morën pjesë në operacion. Tolerancë zero për krimin e organizuar!" - shkroi ministri i Brendshëm, i cili duket se nga ky sukses sporadik i janë venitur ngjarjet e tjera kriminale në vend.
Lexo më tej: Detajet nga arrestimi i milionerit turk/ Mbahej nën përgjim prej dy javësh, lidhja me nipin e Armand Dukës
Të mendosh se Bledi Çuçi nuk ka reaguar një herë mbi ngjarjet që kanë përfshirë klanin Martinaj, një fole e krimit të organizuar, që nga masakra në Fushë Krujë e deri tek zhdukja e vetë Ervis Martinajt. Të shtosh këtu edhe faktin që nuk ka asnjë të arrestuar për vrasjet që kanë background kriminal apo se njeriu që transportonte Martianjn ishte oficer i forcave operacionale të policisë, të bën të mendosh se Bledi Çuçi po kalon një farë deliri.
Ai ose nuk e di se në ç'gjëndje është katandisur vendi nga krimi i organizuar, ose përpiqet të propagandojë sado pak një operacion që rezultoi me sukses, edhe pse u desh mbi një vit për realizimin e tij. ©Lapsi.al
