Juventus është gati të mirëpresë Leandro Paredes. Në mëngjesin e sotëm janë përcaktuar edhe detajet përfundimtare për transferimin e mesfushorit argjentinas te Juventusi, me një huazim me të drejtë blerje të përcaktuar në 15 milionë plus 5 bonus, që bëhet i detyrueshëm në kushte të caktuara: tani ekzaminimet mjekësore në Paris më pas mbërritja në Torino, në mbrëmje ose më së voni nesër, për nënshkrimin e kontratës dhe prezantimin.
Në këtë pikë, bardhezinjtë do të shpejtojnë të sistemojnë Arthur, me destinacion Sporting Lisbonë. Juventus shpreson të gjejë një zgjidhje të minutës së fundit për mesfushorin brazilian dhe klubi portugez është mundësia më e mirë, pasi hipotezat e Valencias dhe Evertonit janë venitur. Bëhet fjalë për një huazim me të drejtë blerje nga ana e portugezëve, ku bardhezinjtë janë të gatshëm të paguajnë edhe një pjesë të madhe të pagës.
