Prokuroria në Prishtinë njofton se vajza 11-vjeçe që dyshohet se u dhunua nga pesë persona në muajin gusht në Prishtinë, ishte e raportuar si e zhdukur edhe në qershor të këtij viti. Për rastin e viktimës 11-vjeçe Gazeta Express ka dërguar pyetje në prokurori dhe polici që nga dita e martë, por të njëjtit nuk kanë kthyer përgjigje deri më tani.
Sipas prokurorisë, prokurori “ka autorizuar policinë në ndërmarrjen e të gjitha veprimeve të nevojshme hetimore dhe e njëjta është gjetur e intervistuar në prezencë të punëtores sociale dhe mbrojtësit të viktimave, si dhe, më pas është dërguar në strehimore”. Prokuroria nuk ka dhënë detaje nëse për rastin e zhdukjes së vajzës në qershor ishte arrestuar ndonjë person.
