Histori e ditur. E bartur nga sezoni i kaluar. Rezultati i njëjtë. Partizani e Teuta e kanë bërë të qartë se nuk kanë ndërmend ta vendosin logon e sponsorit të kampionatit në fanellën e tyre dhe Disiplina po ashtu e ka bërë të qartë se nuk heq dorë nga koleksionimi i të ardhurave, në javën e parë me paralajmërim, në të dytën, si në këtë rast, me 50 mijë lekë gjobë dhe në vijim me 100 mijë lekë.
Tirana e Teuta janë ndëshkuar këtë herë, pas paralajmërimit, me 50 mijë lekë gjobë për mos respektim të Rregullores së Veprimtarisë Futbollistike, duke mos vendosur stemën e Kategorisë Superiore Abissnet, në mëngën e djathtë të fanellës së lojës. Në këtë pikë, logo e munguar e sponsorit të Superiores bëhet edhe më produktive për arkat e FSHF-së se sjellja e gabuar e spektatorëve...
Vendimet e Komisionit të Disiplinës dhe Etikës së FSHF
KF Partizani, për mos respektim të Rregullores së Veprimtarisë Futbollistike, duke mos vendosur stemën e Kategorisë Superiore Abissnet, në mëngën e djathtë të fanellës së lojës, në bazë të neneve 63.1, 82.1 të Rregullores së Veprimtarisë Futbollistike dhe nenit 14 të KDS dënohet me gjobë në masën 50000 (pesëdhjetë mijë) lekë. Në bazë të nenit 12 të KDS, paralajmërohet se në rast të përsëritjes së sjelljes së gabuar të spektatorëve, do të jetë subjekt i masave disiplinore që parashikon Kodi i Disiplinës Sportive dhe Rregulloret e FSHF.
KF Teuta, për mos respektim të Rregullores së Veprimtarisë Futbollistike, duke mos vendosur stemën e Kategorisë Superiore Abissnet, në mëngën e djathtë të fanellës së lojës, në bazë të neneve 63.1, 82.1 të Rregullores së Veprimtarisë Futbollistike dhe nenit 14 të KDS dënohet me gjobë në masën 50000 (pesëdhjetë mijë) lekë.
KF Vllaznia, në bazë të nenit 12 të KDS, paralajmërohet se në rast të përsëritjes së sjelljes së gabuar të spektatorëve, do të jetë subjekt i masave disiplinore që parashikon Kodi i Disiplinës Sportive dhe Rregulloret e FSHF.
KF Egnatia, në bazë të nenit 12 të KDS, paralajmërohet se në rast të përsëritjes së sjelljes së gabuar të spektatorëve, do të jetë subjekt i masave disiplinore që parashikon Kodi i Disiplinës Sportive dhe Rregulloret e FSHF.
Rrëzimin e kërkesës së lojtarit të KF Tirana B U-19, Xhuliano Markoçi, si të pabazuar në Kodin e Disiplinës Sportive.
