Pas një super fushate transferimesh, Chelsea është gati të mendojë për rinovimet. Klubi londinez dëshiron të blindojë dy elementë themelorë të formacionit: Reece James dhe Mason Mount, pavarësisht se kontratat e tyre nuk skadojnë së shpejti. James, në veçanti, ka rënë dakord për një marrëveshje që do ta bëjë atë mbrojtësin më të paguar në historinë e Blues.
Javët e fundit, Koulibaly, Sterling, Fofana dhe Cucurella kanë mbërritur në Stamford Bridge. E tani, është koha që shoqëria të flasë për rinovimet. Reece James, marrëveshja e të cilit skadon në vitin 2025, është gati të nënshkruajë një kontratë të re. 22-vjeçari, raporton The Athletic, ka rënë dakord për kushtet për një rinovim të jashtëzakonshëm, pasi ka folur me pronarin e ri Todd Boehly. Firma zyrtare për kontratën shumëvjeçare duhet të arrijë në ditët në vijim.
James, duke pranuar marrëveshjen, do të bëhet mbrojtësi më i paguar në historinë e klubit. Mbrojtësi i djathtë aktualisht fiton rreth 65,000 euro në javë. Pas regjistrimit, ai do të marrë një pagë mbi 230,000 € në javë. James do të fitojë më shumë se blerja e ri e Blues, Wesley Fofana, por edhe më shumë se legjendat e klubit John Terry dhe Ashley Cole.
22-vjeçari është bërë një lojtar kyç për Chelsean pas huazimit të tij te Wigan Athletic në sezonin 2018/19. Reece ka qenë gjithnjë prezent që kur bëri debutimin e tij me klubin në vitin 2019. Për momentin, ai konsiderohet si një nga mbrojtësit e djathtë më të mirë në futbollin botëror dhe është gjithashtu titullar fiks në ekipin kombëtar të Anglisë. James, që gjithmonë është betuar për besnikëri ndaj Chelseat, kishte tërhequr vëmendjen e Real Madrid.
Rinovimi është pranë edhe për Mason Mount. Marrëveshja e tij me klubin londinez skadon në vitin 2024, por klubi do të donte të mbyllte negociatat për një kontratë të re përpara Katarit 2022.
