Policia kanadeze ka thënë se një nga dy të dyshuarit në sulmet masive me thikë të së dielës në Saskatchewan është gjetur i vdekur. Trupi i Damien Sanderson, 31 vjeç, u gjet në James Smith Cree Nation, shtëpia e disa viktimave, thanë ata.
Dy të dyshuarit ishin vëllezër dhe policia thotë se Myles Sanderson është ende i lirë dhe besohet të jetë në qytetin e Regina. Të dielën, 10 persona u vranë me thikë në një nga aktet më të këqija të dhunës në historinë e fundit të Kanadasë. Sulmet – të cilat lanë 18 të tjerë të plagosur – ndodhën në një rajon të largët të Saskatchewan, raporton BBC, transmeton Express. Të dy Damien dhe Myles u akuzuan për vrasje, pavarësisht se nuk u arrestuan.
Në Regina, kryeqyteti i provincës, ku të dyshuarit u panë për herë të fundit, familjet janë në zi.
