Anëtarët e opozitës dhe mazhorancës kanë rënë dakord që të shtyjnë me 6 muaj mandatin e Komisionit për Reformën Zgjedhore. Deputetët do të depozitojnë në Kuvend kërkesën që shtyn deri në 10 mars 2022 punimet e këtij komisioni.
Komisioni i Reformës Zgjedhore nisi punimet 4 muaj pas miratimit nga parlamenti me objektiv kryesore përmbushjen e objektivave të OSBE/ODHIR-it lidhur me të gjitha aspektet e zgjedhjeve. Janë 25 objektivat që ODHIR ka vendosur ndërsa ato më parësoret përfshijnë rishikimin e kornizës zgjedhore për garantimin e zgjedhjeve të lira e të fshehta si dhe identifikimin dhe hetimin penal të çdo rasti të blerjes së votës, si dhe garantimin e ruajtjes së të dhënave të votuesve.
