Gjykata e Tiranës la në arrest me burg deri në përfundim të hetimeve 56-vjeçarin Shefqet Lika i akuzuar nga prokuroria për shkaktimin e vetëvrasjes së bashkëshortes së tij Shahe Lika.
Prokuroria bëri me dije se 56-vjeçari ka tentuar ta fshehë krimin e rëndë duke e paraqitur ngjarjen si vdekje natyrale.
Por i pandehuri dhe avokati, i tij kanë mohuar në sallën e gjyqit përfshirjen në vetëvrasje. Avokati pretendoi në Gjykatë se i arrestuari ka probleme te shëndetit mendor dhe kërkoi kryerjen e një ekspertize psiqike.
Ngjarja e rëndë ndodhi dy ditë më parë në Kamëz, ndërsa u zbulua nga familjarët e të ndjerës, të cilët kërkuan që të kryhej eksperiza e trupit për shkakun e vdekjes.
Pasi u vërtetua se vdekja kishte ardhur si pasojë e vetëvarjes, 56-vjecari ka treguar para efektiveve se kishte frikë ta denonconte ngjarjen pasi nuk do e besonin.
