Nga Buckingham Palace, Mbreti Charles III iu drejtua kombit në fjalimin e tij të parë pas vdekjes së Mbretëreshës Elizabeth.
“Po ju drejtohem sot me një ndjenjë trishtimi dhe dhimbje të thellë. Theksoj premtimin ndaj nënës sime për t'ju shërbyer gjithë jetën" – tha ai duke përdorur të njëjtat fjalë që përdori nëna e tij 70 vjet më parë kur mori fronin.
Mbretëreshën Elizabeth e konsideroi një burim "frymëzimi" për miliona njerëz, për veten dhe për familjen e tij.
"Gjatë 70 viteve të fundit ne kemi parë shoqërinë tonë të transformohet në një shoqëri me shumë kultura dhe shumë besime. Institucionet e shtetit kanë ndryshuar gjithashtu.
Vlerat tona kanë mbetur dhe duhet të mbeten konstante”, - deklaroi Mbreti Charles III në fjalimin e tij të parë si monark britanik. ©LAPSI.al
