Sipas MeteoAlb: Alternime kthjellimesh dhe vranësirash karakterizojnë motin në territorin shqiptar, ku më të dukshme do të jenë në zonat Veriore duke gjeneruar rrebeshe shiu. Orët vijuese sjellin shtim të vranësirave në të gjithë territorin, duke krijuar mundësi për reshje të pakta shiu, ndërsa nata vonë zgjeron sipërfaqe e reshje.
Temperaturat e ajrit do të vijojnë të rriten në mëngjes, por mbeten konstante në mesditë duke luhatur vlerat ditore nga 16°C deri në 34°C. Era do të fryjë në det mesatarisht me shpejtësi 45 km/h nga drejtimi Jugor kryesisht duke krijuar në brigjet detare dallgëzim deri në 4 ballë.
