Edhe në Portin e Vlorës është e njëjta situatë si në Rinas pas sulmit kibernetik të Iranit ndaj sistemit TIMS. Puna është pezulluar prej mëngjesit. Qindra pasagjerë presin të kalojnë kufirin. Autoritetet policore procedojnë në mënyrë manuale.
Situata është e bllokuar edhe në pika të tjera kufitare të vendit. Sulmin kibernetik të Iranit e njoftoi paraditen e sotme kryeministri Edi Rama.
"Një tjetër sulm kibernetik nga të njëjtët agresorë, tanimë të ekspozuar dhe dënuar prej vendeve aleate e mike të Shqipërisë, është shënuar mbrëmë mbi sistemin TIMS! Ndërkohë vazhdojmë punojmë përditë pa orar me aleatët për t'i bërë të papenetrueshme sistemet tona digjitale", shkruante Rama.
