Para se të konfirmojë kandidimin e tij të tretë për bashkinë e Tiranës Erion Veliaj nuk la rast pa shfrytëzuar për ti bërë qefin shefi të tij. Sot në ditën e parë të shkollës, në gjimnazin e ri Sami Frashëri, kryebashkiaku ka folur se si kjo shkollë u bë model dhe më e mirë se të tjerat, jo sepse ky ka qenë gjimnazi ku studioi ai, por sepse historinë dhe traditën e saj e vlerësoi edhe vetë Edi Rama që mbështeti projektin e tij.
Lexo me tej:
Kulisat brenda PS/ Veliaj shpall kandidaturën për Tiranën pa “lejen” e Ramës
Kjo deklaratë vjen pasi në media kanë qarkulluar disa komente se lufta kundër pallateve pa leje dhe shtesave të katit kishte si synim të godiste edhe Veliajn. Por ndonëse shumë njohës të politikës nuk besojnë tek një prishje mes Ramës dhe Veliajt, pasi ata kanë të përbashkët të njëjtën oligarkë dhe grupe interesi, kryebashkiaku nuk lë rast pa iu lëpirë shefit nga frika se mos provokimet e kundërshtarëve ndikojnë tek humori i kryeministrit. Pikërisht prej këtij meraku ai ka duruar cdo ofendim publik nga kreu i PS.
“Gjej lopën deri të hënën”, çfarë u detyrua të gëlltisë Veliaj me urdhër të Ramës
Pak javë më parë në ceremoninë e nderimit të Luiza Gegës ai e etiketoi Ramën si mentorin e tij, që e kishte marrë nga protestues dhe e kishtte futur të përvishte mëngët në punët e shtetit. Këtë ka bërë edhe para gjimnazistëve të Sami Frashërit, duke i lënë atij meritat e këtij investimi. Veliaj nuk i kurseu lavdet për shefin në një transmetim live që natyrisht u transmetua i plotë dhe nga TV i persekutuar, Nevs 24.
©Lapsi.al
