Video/ E fluturoi në ajër kundërshtarin: ndërhyrja e Danley të Metz është më e keqja e sezonit

Të hënën në mbrëmje në Stade Saint-Symphorien në Metz u luajt ndeshja e prapambetur e javës së tetë të Ligue 1 ndërmjet vendasve dhe Guingamp. Ata që prisnin një garë të qetë u zhgënjyen, ose më mirë, u befasuan këndshëm: 3-6 rezultati në favor të miqve në fund të një ndeshje tepër nervoze. Metz, në fakt, e mbylli ndeshjen me 3 të përjashtuar. Por ishte kartoni i tretë i kuq, ai i dhënë nga arbitri Gaillouste për Jean-Jacques Danley, që është bërë viral në Francë dhe në Evropë. Arsyeja? Ndërhyrje kaq të rënda nuk shihen shpesh. Të mendosh se ndeshja nuk kishte shkuar keq për Metz, që kishte arritur të gjente epërsinë 3-1 ndaj Guingamp në minutën e 16-të dhe dukej se kishte kontrollin e ndeshjes. Dukej, në fakt, sepse në minutën e 31-të Kouyate fillimisht u paralajmërua dhe më pas u përjashtua me karton të kuq pasi i tha disa fjalë shumë arbitrit. Që nga ai moment filluan telashet për vendasit: fillimisht 3-2 i Quemper, më pas goli i barazimit i Courtet nga pika e bardhë, i ndërthurur me një karton të dytë të kuq, këtë herë për Oukidja. Por më e keqja nuk kishte ndodhur ende... I mbetur me 9 vetë dhe i përfshirë nga nervozizmi, Metz u përpoq të skiconte një mbrojtje të fuqishme për barazimin në pjesën e dytë. Përpjekja zgjati pak më shumë se 10 minuta, derisa Jean-Jacques Danley vendosi t'i "dhurojë" publikut dhe kundërshtarëve një nga ndërhyrjet më të këqija të sezonit aktual: pasi largoi topin nga vetja, 22-vjeçari haitian u fut në rrëshkitje me këmbën shumë lartë, duke goditur topin fillimisht, por më pas duke përfshirë direkt këmbën e fatkeqit Muyumba. Goditja e Danley e fluturoi në ajër mesfushorin e Guingamp, i cili në mënyrë të pabesueshme nuk pësoi asnjë dëmtim, edhe pse u desh të largohej pas 10 minutash lojë. Me 3 lojtarë më shumë, Guingamp gjeti më pas edhe tre gola të tjerë për rezultatin final 3-6, ndërsa lojtarët e Metz në gjysmë orën e fundit të paktën arritën të qëndronin 8 në fushë. Megjithatë, ndërhyrja e Danley mbetet një katastrofë për fat pa pasoja të rënda.

Le tacle de Jean Jacques Danley , Jeune Hatïen évoluant à Metz??@509Prono pic.twitter.com/oqq5gNYxwQ

— Actu Yogo (@509Prono) September 12, 2022