Të mundohesh të flesh nuk mund të jetë kurrë aq e lehtë sa 1-2-3, por disa ekspertë besojnë se grupi i numrave - 4-7-8 - mund të jetë një trik i rradhës.
Teknika 4-7-8 është një ushtrim relaksimi që përfshin frymëmarrjen në numrim deri në 4. Mbajtjen e kësaj fryme në numërim deri në 7. Dhe lirimin e frymëmarrjes në numërim deri në 8. Kjo sipas Dr. Raj Dasgupta, një profesor i asociuar klinik i mjekësisë në Universitetin e Kalifornisë Jugore në Keck.
E njohur gjithashtu si "frymëmarrja relaksuese", 4-7-8 ka rrënjë të lashta, e cila është praktika joge e rregullimit të frymëmarrjes, por u popullarizua nga specialisti i mjekësisë integruese Dr. Andreë ëeil në 2015.
Si funksionon 4-7-8
Metoda 4-7-8 nuk kërkon ndonjë pajisje ose cilësim specifik, por kur fillimisht po mësoni ushtrimin, duhet të uleni me shpinën drejt. Praktikimi në një vend të qetë mund të ndihmojë. Sapo ta kuptoni, mund ta përdorni teknikën ndërsa jeni shtrirë në shtrat.
Gjatë gjithë praktikës, vendosni majën e gjuhës tuaj pas dhëmbëve të sipërm. Pastaj ndiqni këto hapa:
- Mbyllni gojën dhe thithni në heshtje përmes hundës dhe numëroni deri në katër.
- Mbajeni frymën për të numëruar shtatë.
- Nxirrni frymën përmes gojës tuaj, duke numëruar deri në tetë.
- Përsëriteni procesin edhe tre herë të tjera për gjithsej katër cikle frymëmarrjeje.
Çfarë tregojnë hulumtimet
Praktika e frymëmarrjes 4-7-8 mund të ndihmojë në aktivizimin e sistemit tuaj nervor parasimpatik përgjegjës për pushimin dhe tretjen, i cili redukton aktivitetin simpatik, duke e vendosur trupin në një gjendje më të favorshme për gjumë të qetë. Aktivizimi i sistemit parasimpatik gjithashtu i jep një truri të shqetësuar diçka për t'u fokusuar përveç "pse nuk po fle?".
Ndërsa përkrahësit mund të betohen për metodën, nevojiten më shumë kërkime për të vendosur lidhje më të qarta midis 4-7-8 dhe gjumit dhe përfitimeve të tjera shëndetësore.
Marrë nga CNN
Përktheu Lapsi.al
