Kristjan Asllani vjen në kombëtar me peshën e një lojtari të Inter, por me mungesën e minutave në këmbë. "Është normale që s’kam luajtur - tha ai para mediave - jam 20-vjeç dhe kam ardhur në një ekip shumë të fortë. Duhet të kem durim, pasi në rolin tim luan një lojtar shumë i mirë si Brozovic dhe po mësoj shumë nga ai".
Për mesfushorin elbasanas gjërat kanë ndryshuar shpejt. Kalimi nga toskanët në Milano te Interi e ka rritur në përgjegjësi mesfushorin, që e ndjen presionin: "Nuk e di si ka ndryshuar, pasi kam kaluar nga një ekip i vogël si Empoli tek Interi, që është super-ekip. E di që ka presion më të madh, por për mua nuk është problem, pasi jam mësuar".
Lexo më tej: Nga Serie C, rikthehet në kombëtare, Ajeti: “Futbolli ka shumë lidhje me fatin”
Ish-lojtari i Empolit tani duhet të tregojë sa vlen në kombëtare, në transfertën e Izraelit. Kundërshtari kryeson me 5 pikë grupin 2 të Ligës B të Nations League, katër mbi kuqezinjtë. "Kemi luajtur kundër Izraelit - shpjegoi Asllani -. Është një ekip shumë i fortë, sepse ka lojtarë shumë të shpejtë. Besoj se kemi shumë shanse në këtë ndeshje që të marrim tri pikë".
https://youtu.be/kvyltZyzrpM
